Ayon pa kay Gianan, nadiskubre lamang nila ang ginawang
panloloob sa kanilang tirahan nang mapansin nila na nawawala na ang dalawang
piraso ng relos at dalawang piraso ng gintong kuwintas na iniwan nila
sa kanilang pag-alis ng bahay. Aniya ang mga ito ay kanilang itinago sa
loob ng kanilang plastic na Orocan cabinet.Nadiskubre rin nila na nakabukas
na ang isa sa kanilang mga bintana. Ito ay puwersahang binuksan ng mga
hindi pa nakikilang mga suspek upang makapasok sa kanilang tahanan.
Ang mag-anak na Gianan ay umuwi sa munisipyo ng Panganiban para sa Undas
at bumalik lamang sa kanilang bahay sa Virac dakong alas sais y media
ng umaga nitong Nob. 3. Sang-ayon naman sa pulisya, kinakailangang magdoble
ng pag-iingat sa mga panahong tulad ng Undas at iba pang mga okasyon kung
saan naglipana ang mga magnanakaw. Iwasan din umanong umalis ng bahay
ng sabay-sabay upang hindi masalisihan ng mga kawatan.
Sa isang hiwalay na balita, isang Solomon Cerdenia Jr., 19 anyos, binata
at residente ng Pajo Baguio sa Virac ang sinaksak nitong Nob. 7, 7:00
ng umanga, ng isang nagngangalang Eddie Boy Fernandez, 29 anyos, binata,
at nakatira rin sa nasabing lugar. Agad namang sumuko ang suspek sa pulisya.
Samantala, ang biktima ay kasalukuyan pang nagpapagamot sa EBMC. Hindi
naging malinaw sa report ng PNP kung ano ang naging motibo sa nasabing
krimen.
|
