|
|
SABUNGERO |
Jex F. Lucero |
© 2003 Catanduanes
Forum. All Rights Reserved. MEMBER: Publishers Association of the Philippines, Inc. |
MORE NEWS |
• | Illegally repacked NFA rice still floods Virac Market |
• | Balak na pagaarmas sa mga kapitan, kinondena ng NDF |
• | GREENCAT holds 2nd Regional EcoTrek |
• | Ang sikreto ng tagumpay, ayon kay Sen. Pong Biazon |
• | CDC meeting inisnab ng oposisyon |
• | Binata, tigok sa saksak |
• | NFA prepares for massive palay procurement |
REY D. LACURUM Publisher/Editor KENNEDY U. MARIANO IV JOEY ANTHONY V. CASIM Web Developers Catanduanes FORUM, with business and editorial offices in Cavinitan, Virac is published every Thursday in Virac, Catanduanes. For editorial contributions, including properly captioned photographs, CLICK HERE. |
Con sabagay arog man talaga
caan an istoria baga pag-abot sa politica. Ngonian magcaewal camo sagin.
Sa aga baco na camong magcaewal conde magcaiba na naman camo sa sarong
partido. Bagi bagang mga boa an mga politico, ano? Con saendong naguiromduman pa an magcaiba caidto iyo sinda Cong. Santiago, ex-gobernador Sanchez asin si bise-gobernador Sarmiento. Alagad dae niato masabutan an camogtacan can tolong ining magcairiba con sinda magairibahan pa man siempre dahel sa baging mga sintunado na an canta can magcairibang ini. Caidto magagayon an boses can tolong ini. Pero ngonian mga lagas na an boses ninda. Con dae aco nasala pirmi an pamatanga can tolong ini caya nagsirintonado an mga boses ninda. Siguro dapat an tolong ini caepujan na magtomar aroaldaw nin linagang lay-a sa tubig na pighanawan nin bados. Marhay daa ini sa sintunado an boses. Baging baco man na catutubod an resetang ini ni Tang Tasyo. Gacaperang bulan na sana garong dae pa nakaisi an satong mga lideres nin banwaan. An sacong pigasabi iyo an manonongod sa con saen an provincia nin Catanduanes an host sa Palarong Bikol. Si Cong. Santiago baging dae lamang nacaisi sa problemang ini. Iyo pa naman ini an saro sa plataporma de govierno niya can gacandidato pa sana siyang congressman. An sabi niya caidto an saro sa mga tataw-an niya nin prayoridad iyo an carawat (sports). Sagcod ngonian dae pa lamang acong nadangog na cawat na pinagtaohan ni congressman nin importancia. Con sabagay talagang an mga politico mga bobowaon baga! Sabi daa bagi ng boa si Sen. Lacson dahel dae na daa ining naguinibohan conde magparaluwas nin mga mababatang natago can mag-agom na si Pres. Arroyo boda an First Gentleman. Pag an hangos man daa caini an pigaluwas gapara-caba-caba man ini. An maculog pa man can gibo ni Sen. Lacson ta so mga cairiba niya sa Senado na puro man gustong maging presidente dae na siya pinagaibanhan. Caya minaluwas na gasolo na sana ini sa pakisungayan sa mga Arroyo. Puro pan-o gustong maging presidente. So presidente nin matanda an dae saindang makilaban dae piga meteran! Caguguro caso report nin PDEA na oya daa sa Catanduanes an pusher sana daa digdi nin ilegal na droga 5 boda 28 sana daa an mga users. Jesus, Maria y Jose! Dae na lamang nasupog can report na ito. Baging so dae baratid magbilang. Talagang pagcalinuya can intelligence network nin mga pulis oya sato. Sa bilog na provincia an pusher lima sana? Dae co na ngani mabilang sa camot co an mga pusher na midbid co asin ese co. Alagad an report can PDEA na hale man sana ito sa mga local na pulis lima sana. Egua pa ngani diyan nin pusher-user na gapakalat-kalat diyan na dae cayang entrahan can mga pulis. An saro pang cangangalas oya sato ta so pinacadacula na con apodon druglord dae lamang nahihiwas. Con sabagay bacong cangangalas dahel maski siisay pa oya sa Catanduanes cayang bacalon boda cayang ilon-og sa impierno sa paagi can saiyang perac. Iyo baga, ano Nonoy? |