Binata, tigok sa saksak
Isang 25 anyos na binata ang namatay matapos na siya ay pagsasaksakin
ng isang lalaki sa isang barangay sa Pandan kamakailan.
Kinilala ng mga imbestigador mula sa Pandan Municipal Police Station ang
biktima na si Noli Balayo y Eustaquio, 25 anyos, binata at isang magsasaka.
Natagpuan ang walang buhay na katawan ng biktima sa Sitio Biyong, Barangay
Sta, Cruz, sa munisipyo ng Pandan noong Oktubre 19, dakong alas sais ng
gabi.
Base sa inisyal na imbestigasyong isinagawa ng pulisya, lumalabas na nangyari
ang pamamaslang sa loob ng bahay ng isang Arturo Sanchez, ng nasambit
ding barangay, habang nakikipag-inuman ang biktima sa kaniyang mga kaibigan.
Ang suspek na si Ronnie Celestino y Marto, 33 anyos, may-asawa, ay agad
namang sumuko matapos ang insidente. Ayon sa kaniya, sinuntok siya ng
biktima sa ulo kung kaya't napilitan siyang gumanti at saksakin ito.
|